Walmart - 01
பஜார்
பலசரக்கு வியாபாரம்
பல பொருள் அங்காடி
என
பல பெயர்களில்..
பெட்டிக் கடை
ரொட்டிக் கடை
காய்கறிக் கடை
கசாப்புக் கடை
வெற்றிலைக் கடை
விறகுக் கடை
பாத்திரக் கடை
மாத்திரைக் கடை
என
பல வகைகளில்..
ஊருக்கு ஊர்
வீதிக்கு வீதி
இந்தியாவில் உண்டு
வணிகங்கள் பல !
இல்லாத ஊர்
மிகச் சில !!
பெட்டிக் கடையில்
பீடி பற்ற
நெருப்பைத் தாங்கிய
ஒற்றைத் தாம்பு !
எதிர்த்த கடையில்
பாக்கு, சுண்ணாம்பு
வெற்றிலை, சோம்பு !
தூரமே தெரியும்
உள்ளூர் திரையரங்கில்
உலா வரும்
படம் பற்றிய
சுவரொட்டி !!
ஓராயிரம் அசுத்தங்கள்
இருக்கும் அச்
சுவர் ஒட்டி !!
துர்நாற்றம் எடுக்கும்
சாக்கடை !!
அதன் அருகில்
நாற்றம் உள்ள
பூக்கடை !!
மேலும்
லாலா கடை..
கோலா கடை...
என..
கடைக்குக் கடை
கடை விரிக்கும்
வியாபாரம் தடபுடலாய் !!
கரை உடைந்த ஏரியாய்
ஊரே திரளும் கடலாய் !!
-- தொடரும்
posted by Ganesh Venkittu @ 1:52 PM
0 Comments
0 Comments:
Post a Comment
Subscribe to Post Comments [Atom]
<< Home