சினிமா - 02

திரைப் பாடல்கள் பலருக்கு
கிரியா ஊக்கி !!
சாதித்திருக்கின்றனர் பலர்
அவை தாக்கி !!

இது நிஜம் !
வெற்றி பெற்றோரது
பட்டியல் போட்டால்
தாண்டும் பல
கஜம் !!

வாய்ப்புத் தேடித் தேடி
சலித்து..
வாசற்படி ஏறி ஏறி கால்
வலித்து..

நாட்கள் வாரமாக..
குடும்பம் பாரமாக...

வீண் முயற்சியை
மறந்து விடு !
அயர்ச்சியை துறந்து விடு !
பம்பாய்க்கு பறந்து விடு !!

என நாளும்...
கேலியை சந்தித்த
வாலியை
இழுத்து நிறுத்திய பாடல்
கண்ணதாசனின்
"மயக்கமா? கலக்கமா ?"

அப்பாடல் வாலியை
தேற்றியது !
தடம் மாற்றியது !
கரை ஏற்றியது !!
தமிழ் சினிமா
தரமான ஒரு கவிஞனை
நாளும் போற்றியது !!

நம்மை நாம்
நம்பினால்
நம்மாலும் முடியும் !
உட்காரும்
உலகோர் நாவில்
நம் பாடல்
அடியும் !!

இரு ! பார் !
இருப்பார்
இத்தொழிலில்
இவ்விரண்டும்
இருப்பார் !

இக் கருத்துக்களை
அப் பாடலின்
ஊடகமாக கொண்டு
காற்றையே பல நாள்
உண்டு...

சாதித்தவர் என்
குருநாதர் !!
தமிழ்த் திரைப்படப் பாடல்களின்
இற்றை நாள்
God Father !!

அவரது சுயசரிதை புத்தகம்
"நானும் இந்த நூற்றாண்டும்" !
நாளும் படிக்க வேண்டும்
இதனை வாண்டும் !!

-- தொடரும்