கடல் - 03

அவன் தணி !!
தணி இவன்
பணி !!

அவன் மரு !!
இவன் இக்கவிதையின்
கரு !!

அவன் இவனுள் அடைந்தான்
தேவன் அமுதம் கடைந்தான்
அடைந்தான்..

கடல்...
சொல்லிக் கொண்டே இருக்கலாம்
அதன் அழகை
தமிழ் எனும்
முது மொழியில்
மது மொழியில் - என்
புது மொழியில்

எப் புள்ளியும்
கடல் முன்
வெற்றுப் புள்ளி !!

முற்றுப் புள்ளி ஆகாது
இருக்க
கடலைப் பார்க்கிறோம்
சற்று தள்ளி !!

வேண்டும் என
அள்ளி விடவும் முடியாது !
வேண்டாம் என
தள்ளி விடவும் முடியாது !!

கடல்....
காண்கிறது
வலைஞன் துடுப்பு..
ஆயினும்
அதன் ஆழம் காண
எக் கலைஞனுக்கு உண்டு
துடுப்பு?

-- தொடரும்