அம்மா - 16

அம்மாவோடு-
பகல் காட்சி பார்த்ததில்லை !!
பொருட்காட்சி பார்த்திருக்கிறேன் !!

தையல் இவளுக்கு
தையல் தெரியும் !!
தையல் தெரிந்தவருக்கு
இத் தையலின் தையல்
கதையல்ல
புதையல் என புரியும் !!

அடுக்களைக்கு வருவோம் !!
அறுசுவைக்கு வருவோம் !!

பொரித்த கூட்டு
பதார்த்தங்களின் புன்னகை
தரித்த கூட்டு !!
பின்னாளில்
மாமியார் கையில் விதி
மரித்த கூட்டு !!

சனி தோறும்
மைசூர் ரசம்
சாதத்தோடு செய்யும்
சரசம் !!

சாம்பார் ! - சாப்பிட்டவர்
தேம்பார் !!

தாளகம் !! - அமுதத்
தாடகம் !!

குல்குந்து
குஞ்சா லாடு !!
சாப்பிட்டு சப்புக் கொட்டாதவன்
பெருமாள் மாடு !!

பார்த்து பார்த்து செய்வாள் !!
அன்பை அதில் பெய்வாள் !!

-- தொடரும்