Friday, January 20, 2006

அம்மா - 10

அடுத்தவன் ஜெயராமன் !!
அவன் சேரன் !!
ஒருத்தனோடும் சேரன் !!
தனித்து இருப்பன் !!

முன்னாளில்
அவனுக்கு இருந்தது
மயக்கம் !!
ஆதலின்
அம்மாவுக்கு அவனை
தனித்து விட
தயக்கம் !!
அறிந்தாளில்லை அவள்
பின்னாளில் இவனது
இயந்திர
இயக்கம் !!

படித்தது
எத் தரப்பும் மெச்சும்
உப்பு உரப்பும்
பந்தி பரப்பும் ஆன
தொந்தி நிரப்பும்
படிப்பு !!

பரிசாரகம் !!
பார்த்ததில்லை
பரிகாசம் !!

உலை வைக்கவும்
இலை வைக்கவும்
தலை வைக்கவும்
சொல்லித் தரும்
கலை !!

சட்டையின்றி
பட்டையோடு சந்தி செய்து
கூழ் அரை வயிறு குடித்து
ஏழரைக்கு ஓடுவான்...

பட்டையோடு பந்தி போட
சொல்லித் தரும்
பட்டப் படிப்புக்கு !

இவனளவில் அது
"பட்டை" படிப்பு !!

-- தொடரும்

0 Comments:

Post a Comment

Subscribe to Post Comments [Atom]

Links to this post:

Create a Link

<< Home