Wednesday, April 16, 2008

கியோட்டோ....

சாலைப் புகையும்
ஆலைப் புகையும்
சுவாசிப்பின்..

சுகம் காணுமோ
சுவாசப் பையும்?
சுவாசம் சந்தேகமின்றி
நையும் !!

இது..
ஐ. நா வின் ஒருமித்த
கூற்று !
இருக்க முடியாது
இதற்கு மாற்று !!

போதாததற்கு
பருவ நிலை மாற்றம்
தாறுமாறாய்
தட்பவெட்ப ஏற்றம்

ஓசோன் படையுள்
பொத்தல்..
ஊதாக் கதிர்
ஊடுருவி உடம்பில்
ஒத்தல்...

என
எங்கும் காண முடிகிறது
கத்தல் !!

கியோட்டோ ஒப்பந்தம்..
கையெழுத்தான முதலே
தீப்பந்தம் !!

கண்காணிப்பு.
கருத்துப் பரிமாற்றம்..
என் தொழில்
இதுவே என
இந்தியா நழுவ..

அமெரிக்காவும்
"ஒப்புக்கு இந்த
ஒப்பந்தம்" !!
ஊர்ச்சிதம் செய்ய
எனக்கில்லை நிர்ப்பந்தம் !!
என
கை கழுவ..

·போட்டோவுடன் நிற்கிறது
கியோட்டோ..
தடைகளுக்கு காரணம்
தம் தம் நாடுகளில்
தலைவர்கள் எதிர்பார்க்கும்
அரசியல் ஓட்டோ?

தேவை..
பாழாகும் பயிர்கள்
பாதிக்கும் உயிர்கள்
மீது பரிவு !!
அதற்கு அவசியம்
சுற்றுச் சூழல்
குறித்த அறிவு !!

Labels: , , , , ,

0 Comments:

Post a Comment

Subscribe to Post Comments [Atom]

Links to this post:

Create a Link

<< Home