கடல் - 08

மனிதன் வாழ்வில்
அலை அலை
என அலைகிறான்
மனம் கலைகிறான்
வழி தொலைகிறான் !!

'வினைக்கு தகுந்தபடி
வாழ்க்கை' என்பதை
மறக்கிறான் !! - பண்பு
துறக்கிறான் !!

பலவற்றை
மறைக்கிறான் !!
இறையின் பெருமையை
குறைக்கிறான் !!
எதுவும் முடியும் பணத்தால்
என அதனை
இறைக்கிறான்!!

தன்னைத் தானே சிலுவையில்
அறைகிறான் !!
படிமிசை ஒரு நாள்
மறைகிறான் !!
அந்தோ! ஆறடியில் அன்றோ
உறைகிறான் !!

அலையும்
அலைகிறது !!
ஆனால் என்று
குலைகிறது?

இன்பமும் துன்பமும் அதற்கு
நிலை !
அதனால் அதற்கு என்றும்
நிலை !!

-- தொடரும்