Friday, March 17, 2006

பட்டம் - 07

jpg0003

2006....

கையுறையையும் அறுக்கும்
திண்மையான
Polyester கயிறு !!

Fiber Glassல்
செய்த நரம்பு !!
Nylon உடம்பு !!

நூல் சுற்ற ஏதுவாக
Oak எனும்
வெண் கடம்ப வகை
மரத்தில் செய்த
நூல் சுற்றி !!

காற்றுக்கு குறைவில்லை !!
தெளிவான வானம்
மழையில்லை !!

வாகன நெரிசலில்லை !!
"ஆறுக்கு வந்துடு !" என
அம்மாவின்
அரிப்பில்லை !

நூலில் முடிச்சோ
சிக்கலோ இல்லை !!
எவன் அறுப்பானோ
எனும் பயமுமில்லை !!

அறுந்து விடும்
தரமுமில்லை !!
அகப்பட
மரமுமில்லை !!

எவ்வளவு இருந்து
என்ன ?
என்ன பறந்து
என்ன ?

பழையதை மறக்க
முடியவில்லை !
புதுப் பட்டம் மனதில்
படியவில்லை !!

கொடி கட்டிப் பறந்தும்
கொண்டாட
இனமில்லை !
ஆகவே
மனமில்லை !!

மொத்தத்தில் அன்று..
கை "வலித்தது" !
இன்று..
மனமன்றோ வலித்தது ?!

0 Comments:

Post a Comment

Subscribe to Post Comments [Atom]

Links to this post:

Create a Link

<< Home