Thursday, December 08, 2005

பாட்டி எனும் பரமாத்மா - 4

நெல் கொட்டும் குதிர் உண்டு !!
குதிரைக் கறவியது எலியா எனும்
புதிர் உண்டு !!

புதிய காலை தோறும்
பழையது உண்டு !
உண்டு தோளில்
பழைய துண்டு
பழையதுண்டு
கிணற்றுக் குளியலுக்கு போகையில் !!

பொங்கு நுரை
பம்ப் செட்டருகே
நுங்கு உண்டு !!
நுங்கு தரும் பனை மரங்களில்
எம் குடும்பத்தினருக்கு
பங்கு உண்டு !!

புளி உண்டு - பொந்தில்
கிளி உண்டு !!
சத்தியமாய் இவை
நித்தியம் உண்டு !!

கொல்லை மேடு உண்டு !!
எல்லைக் கோடு
எல்லோர் நிலத்துக்கும் உண்டு !!

ஆல் இலை
இலை எனாமல்
உண்டு !!

உமிக்கரி உப்பு உண்டு !!
பல் விளக்கி வந்தால்
சிக்கரி சேர்த்த
டிகிரி காப்பி உண்டு !!

-- தொடரும்