Thursday, December 08, 2005

பாட்டி எனும் பரமாத்மா - 3


2005_11_18_jpg0005
Originally uploaded by sowgan6163.
கடம்பூர் !!
குக் கிராமம் !!
ஜெயராமனை கைபிடித்த
ஜானகியின்
புக் கிராமம்!!

விழித்துக் கொள்ளும் ஊர்
உதித்து விட்டேன்! என
வெண்கதிரின் தந்தி
சேவல் ஏந்தி
வந்த பின் !
தந்த பின் !!

கொட்ட கை இருக்கும்!! - சினிமா
கொட்டகை கிடையாது !!

சாலையில் சுத்தமாய்
தார் இருக்காது !!
ஜனகம் எனும் இடைச்சியின் சுத்தமான
மோர் இருக்கும் !!

ஸ்திதிலமான வீடு !!
எமக்கு விடுமுறை தோறும்
மிதிலையான வீடு !!

கீத்துக் கொட்டகை வாசல் !!
பார்த்திருக்கிறது பலவூர் பூசல்!!

தலை மேல் ஓலை
பழையதானால்
விலைக்கு போகாது !!
உலைக்கு போகும் !!

-- தொடரும்